TaeKwonDo Team

Fuendel

Biekerech

Club agréé par la Fédération Luxembourgeoise des Arts Martiaux

Firwat an Wat ass TKW

 

Firwat Taekwondo fir Kanner und Jugendlecher?

Een Olympesche Sport vun 6 Joer un, ouni Limit no uewen
De Respekt vu sech selwer an och vun deenen Aneren : Héiflechkeet, Duerchsetzungsverméigen, an Selbstbeherrschung sinn d’Wäerter vum Tae Kwon Do

Selbstverteidegung : Den Tae Kwon Do léiert een sech selwer ze Verteidegen – Ho shin sool





Kampf : Den Tae Kwon Do ass och een spektakulären Kontaktsport – Kiourigi





Poomsee : Den Tae Kwon Do ass ob der Sich vum banneschten Gleichgewiicht

Brochtest : Kiopka

Duerch déi Villseitegkeet vum Tae Kwon Do ginn Beweeglechkeet, Konzentratioun an d’Muskelen natiirlech entwéckelt

Secherheet : Et gët mat Sëcherheetsausrüstung gekämpft. Vun all de Kontaktsportarten huet den Tae Kwon Do dee klengsten Verletzungsrisiko



Wat ass Taekwondo ?

Tae Kwon Do ass eng Kampfkonscht déi virun 2000 Joer a Korea entwéckelt gin ass, an haut och als modern Sport bedriwwe gët. Am Tae Kwon Do gin keng Waffen agesat. De Géigner gët mat Hänn a Féiss ofgewiert. Tae Kwon Do bedeit wiertlech: Fouss(Tae) – Fauscht(Kwon) – Wee(Do).

Den Tae Kwon Do besteet aus

Bewegungsformen (Poomse),

dem Kampf (Kirogi) an

dem Briechen vun Brieder (Kyopa)

awer och vun Selbstverdeedegung

De Poomse as eng Beweegungsfolleg déi den Taekwondoka virféiert.Héi kämpft een géint een imaginären Géigner . Dobei muss hien Ofwier- an Ugrëffstechniken no engem virgeschriwwenen Muster verbannen. Fir de Schüler bis den 1. Dan gin et 8 Bewegungsformen (Taeguk), fi rde Meeschter gin et der 9, déi all hiere spézifege Numm hun.

De Kampf get ouni Waffen, just mat Hänn a Féiss ausgefouert. Fir dëse Kampf ze beherrschen geet et net duer just de Fräikampf ze trainéieren. Och d’Virstufen wéi den ofgeschwate Kampf, den Hallef fräie Kampf an Selbstverdeedegung géint bewaffnet an onbewaffnet Géigner musse geübt gin.

Beim Briechen gin Brieder, Steng, Dachzillen, Eisbléck... futti geschloen fir déi ,an awer och technesch, Entwécklung festzestellen.

 

De Wee (Do)

De Prinzip vum Wee as eng Liewensastellung déi een duerch den Tae Kwon Do kritt. Sie léisst sech zesummefaassen mat de Begrëffer: Selbstdisziplin, Bescheidenheet Héiflechkeet a Respekt. All Dag as e Glecksdaag, liew mat Sënn an iwwerlooss dem Gesetz vum Universum d’Resultat.

All Aktivitéiten vum Tae Kwon Do sin vir sech ze verteidegen, mee och d’Gesondheet, déi physech a psycheg Fitness gi verbessert an dat bis an den héigen Alter. Beim Training get all Deel vum Kierper gläichméisseg agesat. D’Konzentratioun bei, Training hëlleft de Stress ofzebauen deem mir all Dag ausgesat sin.

Obwuel am Tae Kwon Do als eenzeg Waff de Kierper agesat get, besteet d‘Méigelechkeet de Géigner durch 1 Schlag ausser Gefecht ze setzen. An Tae Kwon Do gin haaptsächlech Fousstechniken benotzt. D’Bewegungen si schnell, staark, präzis awer och ästhetesch. Et as eng friddlech Konscht vun der Selbstverteidegung. D’Sportler déi Tae Kwon Do praktizéieren sin selbstsecher a kennen souwuel kierperlech wéi och geeschteg Disziplin. Hien as sech bewosst dass säi ganze Kierper eng Waff as fir en Ugreifer ofzewieren.

Et as eng wichteg Tatsaach dass den Tae Kwon Do de Charakter positiv verännert. Mam Training get d’Selbstbewosstsin méi grouss. De Codex verbitt ongerecht Ugrëffer an de Mëssbrauch vun der Muecht. Et get vill Wert op Bescheidenheet an Toleranz geluecht.

Seit dem Joër 2000 as Tae Kwon Do en offiziellen olympesche Sport.